Golfklúbbur Grindavíkur

Greiðsla félagsgjalda fyrir árið 2012

Strax á nýju ári verða sendir út greiðsluseðlar til félagsmanna samkvæmt félagatali okkar. Eindagi félagsgjalda 5. apríl 2012. Eftir það leggjast á vextir. Þeir sem ekki hafa lokið greiðslu fyrir 1. maí 2012 þurfa að greiða flatargjald í hvert skipti sem leikið er á Húsatóftavelli. Engar undantekningar verða gerðar á þeirri tilhögun. Þeir sem vilja skipta félagsgjaldinu á nokkur tímabil er bent á að hafa samband við formann, gjaldkera eða sinn banka. Félagsmenn, ekki bíða með það fram á síðustu stundu að ganga frá sínu ársgjaldi.

Við viljum einnig ítreka það við félagsmenn að mörg stéttarfélög endurgreiða að hluta eða öllu félagsgjald gegn kvittun frá banka eða golfklúbbi.

Félagsgjöld fyrir árið 2012 eru eftirfarandi. Eindagi 5. apríl 2012

Einstaklingar 55.000 kr

Hjónagjald 100.000 kr

67 ára og eldri 30.000 kr

Námsmannagjald 30.000 kr (Námsmannagjöldin eru eingöngu ætluð þeim sem eru í dagskóla. Sýna þarf fram á staðfestingu frá skóla til að fá gjaldið samþykkt af stjórn GG.)

Unglingar 0 til 16 ára 0 kr ef þeir búa í Grindavík.- (grunnskólaaldur)

Nýliðar 40.000 kr (viðkomandi hefur aldrei verið skráður í annan golfklúbb)

Öryrkjar 75%+ 27.500 kr

Fjaraðild 40.000 kr. - (fyrir þá sem búa utan Reykjaness - fjaraðild gildir einungis á Húsatóftavöll en ekki á aðra velli sem G.G. er með samstarf við)

Fjaraðild hjóna 75.000 kr fyrir þá sem búa utan Reykjaness - fjaraðild gildir einungis á Húsatóftavöll en ekki á aðra velli sem G.G. er með samstarf við)

Stjórnin

Staða GG jákvæð þrátt fyrir miklar framkvæmdir
Frá aðalfundi 29. des. 2011

Ágætis rekstrarár er að baki hjá Golfklúbbi Grindavíkur og nemur hagnaður ársins um 2 milljónum króna. Rekstrartekjur ársins voru um 28 milljónir en rekstrargjöld um 26 milljónir sem er hækkun um 4 milljónir frá árinu 2010. Aðalfundur klúbbsins fóru fram á Salthúsinu 29. des síðastliðinn og var hann vel sóttur. Sjá skýrslu gjaldkera fyrir árið 2011

Um 209 meðlimir eru nú í GG og hefur þeim fækkað frá í fyrra. En það má finna í því að skráningarkerfi sem GG notast við var yfirfarið og þeir sem ekki greiddu ársgjöld voru teknir af félagalistanum
Klúbburinn og Grindavíkurbær gerðu samning árið 2008 þar sem klúbburinn fékk 51 milljón króna styrk til að fara í stækkun vallarins. GG fékk leyfi til nota hluta þeirrar fjárhæðar til að borga niður óhagstæð erlend lán. Það hefur verið greitt til baka að stórum hluta. Enn standa yfir stækkunarframkvæmdir á vellinum og áætlanir gera ráð fyrir um 12 milljón króna kostnaði til að ljúka þeim. Einnig hefur verið lögð mikil vinna við stækkun og endurbætur á framtíðarskála GG. Kostnaður við þær framkvæmdir er kominn í 8.5 milljónir en stefnt er að því að ljúka þeim í vor, áður en sumaropnun hefst. Sjá skýrslu stjórnar fyrir árið 2011

Ákveðið var að hækka félagsgjöld umfram það sem aðalfundur 2010 hafði ákveðið. Það er gert til að tryggja enn betur rekstrargrundvöll golfklúbbsins og samræma gjaldflokkana Þess ber að geta að Golfklúbbur Grindavíkur er stoltur af því að bjóða sérstök námsmannagjöld, einnig fyrir örorkulífeyrisþega aldraða, nýliðagjöld og hjónagjöld sem eru með þeim lægstu á landinu. Einn ber að hafa í huga að félagsgjöldin verða áfram með þeim lægstu miðað við 18 holu golfvelli landsins. Sjá gjaldskrá árið 2012
Páll Erlingsson var endurkjörinn formaður klúbbsins en hann hefur setið sem formaður undanfarin fjögur ár. Stjórn GG árið 2012 er því eftirfarandi: Páll Erlingsson (formaður), Halldór Einir Smárason (ný í stjórn), Jóhann Einarsson, Jón Guðmundsson, Gunnar Oddgeir Sigurðsson, Jón Júlíus Karlsson, og Sigvaldi Þorsteinsson. Í varastjórn eru Halldór Jóel Ingvason, Friðrik Ámundason og Jóhann S. Ólafsson sjá stjórnarskipan.
Páll Þorbjörnsson gaf ekki kost á sér til endurkjörs og kann golfklúbburinn honum miklar þakkir fyrir gott starf.

Aðalfundur Golfklúbbs Grindavíkur
fimmtudaginn 29. desember

Aðalfundurinn verður fimmtudaginn 29. desember kl. 19:30 í Salthúsinu (efri hæðin).

Dagskrá fundarins er svohljóðandi:

Fundur settur
Kosning fundarstjóra og fundarritara
Fundargerð síðasta aðalfundar lesin
Skýrsla stjórnar
Skýrsla gjaldkera
Umræður um skýrslu stjórnar og skýrslu gjaldkera
Kosning formanns
Kosning stjórnar og varastjórnar
Ársgjöld 2012
Önnur mál

Auglýst er eftir góðu fólki í stjórn klúbbsins og í nefndir á vegum hans. Sérstaklega er bent á mikilvægi þess að fylla í mótanefnd (4 aðilar) Ábendingar og tilkynningar sendist til gggolf@gggolf.is, merkt aðalfundur GG 2011.

Stjórnin

22. des
Landsbankinn færir GG höfðinglega afmælisgjöf

Samhliða undirritun samstarfssamnings Landsbankans og Golfklúbbs Grindavíkur færði Landsbankinn höfðinglegt fjárframlag í tilefni af 30 ára afmæli Golfklúbbs Grindavíkur í ár. Styrkurinn er sérstaklega hugsaður til uppbyggingar unglinga- og barnastarfs hjá klúbbnum. Landsbankinn hefur undanfarin ár verið einn helsti styrktar- og stuðningsaðili golfklúbbsins og stutt sérstaklega vel við bakið á uppbyggingarstarfi GG. Stjórn Golfklúbbs Grindavíkur færir þeim hugheilar þakkir fyrir ómetanlegt framlag sem án efa mun styrkja klúbbinn enn frekar í því að byggja upp kylfinga framtíðarinnar.

22. des
Landsbankinn og GG undirrita samstarfssamning

Landsbankinn í Grindavík og Golfklúbbur Grindavíkur hafa undirritað nýjan samstarfssamning til þriggja ára. Markmið samningsins er að styðja við golfíþróttina í bæjarfélaginu með sérstakri áherslu á barna-og unglingastarf klúbbsins. Undirritunin fór fram fimmtudaginn 22. desember.

28. okt
Bændaglíma Golfklúbbs Grindvíkur laugardaginn 5. nóv.

Bændaglímu og lokahóf GG hefur verður laugardaginn 5. nóvember.
Bændaglíman hefst kl. 12:30 stundvíslega.
Lokahófið og verðlaunaafhending verður í golfskálanum strax að bændaglímu lokinni.

28. okt
Nýtt vallarmat á Húsatóftavelli

Föstudaginn 28. október 2011 tók nýtt vallarmat gildi á Húsatóftavelli. Eftir vallarmatið hefur heildarlengd vallar á gulum teigum minnkað um 126m, úr 5381m í 5255m. Af rauðum teigum um 121m, eða úr 4627m í 4506m. Megin breytingu á lengdum brauta má rekja til stækkana á flötum frá því sem var.

12. okt.
Opinn félagafundur GG vegna stækkunar skála

Mánudaginn 17. október verður haldinn opinn félagafundur GG í golfskálanum að Húsatóftum.
Á dagskrá fundar er m.a. farið yfir framkvæmdir við stækkun framtíðar skála GG, kostnaðaráætlanir. kynning á stöðu framkvæmda og fjármögnun þeirra. Stjórn GG vill hvetja alla félaga og velunnara til að mæta á fundinn. Fundurinn hefst kl. 20:00 í golfskálanum.

15. sept
Góð þátttaka í opna afmælismóti GG

Það var ekki kræsilegt veður sem mætti fyrstu kylfingum dagins í opna afmælismóti GG en þeir létu það ekki á sig fá, heldur nutu þess að leika Húsatóftavöll sem var í frábæru standi. En veðurguðirnir voru á okkar bandi því brátt fór að stytta upp og sólin að skína, þó gola væri. Mjög góð þátttaka var í mótinu enda voru verðlaunin glæsileg. Það má þakka styrktaraðilum mótsins; útgerðarfélagið Þorbjörn ehf., útgerðafélagið Vísi ehf., Samhentir umbúðalausnir og Nettó með veglegum styrkjum. Veitt voru verðlaun fyrir átta fyrstu sætin með forgjöf ásamt 13. sæti, 21. sæti, 59. sæti og 75. sæti. Einnig voru nándarverðlaun fyrir 4./17. holu, 8. holu og 13. holu. Andri Marteinsson lék manna best í dag, því hann fékk hvorki fleiri né færri en 45 punkta, en næstur á eftir var með 42 punkta. Úrslitin urðu sem hér segir:

1. sæti með forgjöf - 50.000 kr gjafakort í Nettó - Andri Marteinsson
2. sæti með forgjöf - 40.000 kr gjafakort í Nettó - Svanhvít Helga Hammer
3. sæti með forgjöf - 30.000 kr gjafakort í Nettó - Ingvar Hafsteinn S. Hreinsson
4. sæti með forgjöf - 25.000 kr gjafakort í Nettó - Jóhann Þorgrímur Hallgrimsson
5. sæti með forgjöf - 20.000 kr gjafakort í Nettó - Steinþór Óli Hilmarsson
6. sæti með forgjöf - 15.000 kr gjafakort í Nettó - Ari Gylfason
7. sæti með forgjöf - 15.000 kr gjafakort í Nettó - Sigurður Gunnar Ragnarsson
8. sæti með forgjöf - 15.000 kr gjafakort í Nettó - Halldór Þórður Oddsson

13. sæti með forgjöf - 10.000 kr gjafakort í Nettó - Erlingur Jónsson
21. sæti með forgjöf - 10.000 kr gjafakort í Nettó - Hávarður Gunnarsson
59. sæti með forgjöf - 10.000 kr gjafakort í Nettó - Guðmundur Bjarni Harðarson
75. sæti með forgjöf - 10.000 kr gjafakort í Nettó - Páll Erlingsson

Nándarverðlaun á 4./17. holu - Jóhann S. Ólafsson 2,44
Nándarverðlaun á 8. holu - Jóhann Þorgrímur Hallgrímsson 1,67m
Nándarverðlaun á 13. holu - Bjarni Andrésson 0,54 m

15. sept
Sigurður Helgi sigraði á Áskorendamótaröð GSÍ

Sigurður Helgi Hallfreðsson, félagi í Golfklúbbi Grindavíkur sigraði á Áskorendamótaröð GSÍ í sínum aldursflokki. Mótaröðin var opin kylfingum af öllu landinu og var röð móta sem töldu til stiga sem keppendur söfnuðu. Sigurður var því með mesta heildastigafjöldann og því stigameistari í sínum aldursflokki. Margir efnilegir kylfingar eru að koma fram á sjónarsviði í klúbbnum og verður spennandi að fylgjast með þeim í komandi framtíð.

15. sept
Magma Energy styrkir Golfklúbb Grindavíkur

Í gær, fimmtudaginn 15. september skrifaði Golfklúbbur Grindavíkur og Maggma Energy undir styrktarsamning. Styrktarsamnignurinn kveður á aðfjárhæðinni sé verið fyrst og fremst í barna og unglingastarfið hjá klúbbnum. Samningurinn er til tveggja ára. Þetta kemur sér svo sannarlega vel fyrir golfklúbbinn og mun nýtast vel í því uppbyggingarstarfi sem ráðist hefur verið í síðastliðin sumur. Kunnum við Magma bestu þakkir fyrir þennan stuðning og um leið bjóðum við þá í hóp velunnara félagsins.

Eldri fréttir