18. okt
Bændaglíman - Lokahóf

Nú er komið að árlegu bændaglímunni og lokahófi. Það hefur verið ákveðið að hafa leikfyrirkomulag í bændaglímunni EINNAR KYLFU keppni! Þ.e. þið megið velja ykkur eina kylfu úr settinu + pútter. Þetta verður því 13 holu höggleikur og Tóftabóndinn (Guðmundur Valur) og Bikarmeistarinn (Leifur Guðjónsson) velja sér lið af þeim sem mæta til keppni.

Mæting er kl 13.30 og er áætlað að byrja á öllum teigum kl 14.00. Matur er svo í golfskálanum um kvöldið sem hefst kl 20.30 og er það frítt fyrir alla félaga en kostar 1.000 kr.- fyrir gesti og er það gjald greitt í sjoppu. Þeir sem er öflugir gítaristar mega endilega koma með gítarinn sinn og leggja til smá söng inní fjörið um kvöldið. Sibbi, Alli og Hjalli....þetta á m.a. við um ykkur!

Reynum nú að fjölmenna og hafa gaman af á þessum síðustu og verstu!

Kveðja,
Mótanefnd

4.okt
Opna Golfbúð Hafnarfjarðar fært til sunnudagsins næsta!!

Það vantaði um 5 gráður í viðbót í dag til þess að ná þessari snjóþekju ad vellinum í dag svo það er því nauðsynlegt að fresta þessu móti sem halda átti á morgun.

Við ætlum að halda þetta mót á sunnudaginn kemur, þann 12. október og er skráning hafin í það mót. Langtímaspáin fyrir næstu helgi er mjög góð þ.a. við hvetjum kylfinga til að vera fyrr en seinna til að skrá sig.

Kveðja,
Mótstjórn G.G.

29.sept
Úrslit í Texas Scramble - Gulir, glærir og glaðir

Í dag var haldið Texas Scramble mótið Gulir, Glærir og Glaðir sem styrkt var af Sparisjóðinum í Keflavík.  Kylfingar fengu allar tegundir af veðri en þó mest megni í logni og sól.  Völlurinn var í frábæru ástandi og létu kylfingar vel af því að leika hann.  Það sést best á skorinu því þeir sem sigruðu voru Kotbændur sem léku á 11 höggum undir pari en með forgjöf á 13 höggum undir pari.  Í öðru sæti urðu Óskar og Þorgeir á 68 höggum eða 3 höggum undir pari en með forgjöf á 8 höggum undir pari. Á sama höggafjölda nettó voru Úmpalúmparnir en voru á verra skori á síðari 9 holunum.  Í fjórða sæti var meiri barátta því fjórar sveitir voru á sama höggafjölda nettó, eða 64 höggum. Það var ekki fyrr en teknar voru síðustu 6 holurnar að úrslit voru fengin.  Þá kom í ljós að Haraldur Hjálmarsson og Davíð Árnason lentu í 4. sætinu.  Gústaf Alfreðsson, Voggar og Siggi yngri og Siggi sæti komu þar á eftir.  Næstir holu voru Ninni og Ponsi á 8. holu og Siggi yngri og Siggi sæti á 13. holu.  Næsta mót er á sunnudaginn kemur þann 5. október.

4. september
Völlurinn lokaður frá kl. 13:00-18:00 föstudaginn 5. sept.

Á morgun, föstudaginn 5. september, verður völlurinn lokaður vegna móts á vegum Landsbankans.  Völlurinn verður því lokaður frá kl. 13:00-18:00.

31. ágúst
Bazookurnar sigruðu í Opna Texas Scramble mótinu

Veðrið lék svo sannarlega við þá kylfinga sem lögðu leið sína á Húsatóftavöll í Opna Texas Scramble mótið, sól og blíða enda voru skráðar rúmlega 50 sveitir til leiks.  Menn nutu sín í veðurblíðunni og var skorið hjá mörgum í samræmi við það.  Sigursveitin, Bazookurnar, léku á samtals 66 höggum, eða 61 nettó.  Þrjár sveitir voru jafnar á 63 höggum nettó, en að loknum útreikningum urðu Rólegir drengir, Guðjón Einarsson og Guðmundur Valur Sigurðsson í öðru sæti.  Í því þriðja urðu Björn&Helgi, Björn Kristinn Björnsson og Helgi Runólfsson.  Í fjórða sæti urðu Helgi Dan og pro, Helgi Dan Steinsson og Einar Guðberg Einarsson.  Veitt voru nándarverðlaun á 8. holu og 13. holu.  Hjalti Mogensen og Steinar Birgisson voru næstir á 8. holu með 105cm.  Ingvar Guðjónsson og Hávarður Gunnarsson voru næstir á 13. holu með 47cm.  Kylfingar báru mikið lof á völlinn sem skartaði sínu fegursta og margir hverjir áttu ekki orð til að lýsa hversu skemmtilegur og fjölbreytilegur völlurinn er, ekki síst hið frábæra landslag sem hann hann er í.  Margir sögðust án efa ætlar sér að venja oftar komur sínar á völlinn.  Það eitt og sér segir meira en mörg orð.  Hér eru nokkrar myndir frá mótinu
Smellið hér til að skoða nánar úrslit mótsins.

30. ágúst
Óðum að fyllast í Texas mótið

Á morgun heldur Golfklúbbur Grindavíkur Texas scramble mót á Húsatóftavelli.  Skráning í mótið hefur gengið mjög vel og þegar er fullt í alla ráshópa fyrir hádegi.  Nokkrir rástímar eru enn lausir, en skráningu lýkur kl. 8:00 í fyrramálið. Sjá skráningu hér.

29. ágúst
Góð þátttaka í Möllernum- fyrirtækjamóti

Möllerinn var haldinn fimmtudaginn 28. ágúst síðastliðinn og tóku 32 sveitir þátt.  margar sveitir komu vel stemmdar til leiks og baráttan var mjög hörð um efsta sætið.  Sveit útgerðarfélagsins Vísis varð sigurvegari á 44 punktum. Myndir frá Möllers mótinu eru á myndasíðu.  Smellið hér

20. ágúst
Möllerinn - frestun til fimmtudags 28. ágúst.

Það er búið að taka ákvörðun um það að fresta Möllersmótinu til fimmtudags í næstu viku, s.s. 28. ágúst.  Veðurspáin fyrir föstudag 22. ágúst var frekar döpur og því var þessi ákvörðun tekin.  Þetta er stærsta mót klúbbsins og við viljum reyna að hitta á gott veður í svona stórskemmtilegu móti.

19. ágúst
Stigamót 2008 - Staðan eftir 11 umferðir (1 umferð eftir!)

Staða 5 efstu manna fyrir síðustu umferðina:
Gunnlaugur Sævarsson................................56
Hávarður Gunnarsson...................................50
Leifur Guðjónsson.........................................50
Ingvar Guðjónsson.........................................43
Davíð A. Friðriksson......................................43

Eins og gefur að líta er baráttan á toppnum hörkuspennandi og sjáum við fram á skemmtilega keppni í síðasta mótinu sem er í dag þriðjudaginn 19.ágúst.

Heildarstöðuna er hægt að sjá hérna á Golf.is

11. ágúst
Úrslit í Tóftabóndanum

Leikið var í Tóftabóndanum dagana 5.-6. ágúst síðastliðinn og samtals tóku 27 kylfingar þátt.  Guðmundur Valur Sigurðsson varð í fyrsta sæti með forgjöf á 71 höggi.  Á sama höggafjölda urðu þeir Davíð Arthúr Friðriksson og Gunnar Sigursveinn Arnbjörnsson.  Þar sem aðeins 27 tóku þátt hefur verið ákveðið að 5 efstu men Tóftabóndans sitja hjá í næstu umferð en kylfingar frá 6. sæti til og með 27. sætis leika um réttinn að komast í 16 manna úrslit.  Hér má sjá lokastöðuna úr mótinu. Í 32 manna úrslitum leika menn miðað við röðun úr þessu móti.  Leik skal lokið í þessari umferð fyrir mánudaginn 18.ágúst. Sá er var með besta skor leikur gegn versta skori.  Þeir sem lentu saman má sjá hér.

10. ágúst
Sveitakeppni GSÍ á Akureyri - GG féll í 3. deild

Það gekk ekki upp hjá okkar mönnum fyrir norðan í sveitakeppninni.  Þeir háðu hetjulega baráttu við stórgóðar sveitir í 2. deildinni t.d. GV, Odd, GA, Hellu (hluti af GR).  Þrátt fyrir ágæta spilamennsku náðum við ekki takmarkinu okkar að halda okkur í deildinni.  Því er það 3. deildin að nýju hjá okkur.  En við komum fílefldir til leiks að nýju á næsta ári með það að markmiði að komast í 2. deildina á ný.
Hægt er að sjá úrslitin á vefsíðu Golfklúbbs Akureyrar

6. ágúst
Glæsilegur golffatnaður til sölu

Golfklúbbur Grindavíkur hefur hafið sölu á glæsilegum golffatnaði á mjög hagstæðu verði.  Nýja sendingin verður ekki merkt með lógói Golfklúbbs Grindavíkur nema ef sérstaklega verður óskað eftir því.  Allar þessar vörur eru hágæðamerki s.s. Ashworth, Antiqua, Mizuno, Oakley Firethorn. Þessar vörur eru til afgreiðslu hjá Páli formanni (gsm 693-9065). Stærðir:  Small, Medium, Large og Extra Large

Antiqua Steingrár 5.000 kr	Ashworth Hvítur 5.000 kr	Firethorn Svartur 6.500 kr	Mizuno Hvítur 5.000 kr	Oakley Svartur og grænn 5.000 kr
Antiqua fleece kvenfatnaður rauður - bleikur	Firethorn pólóbolir kvenfatnaður rauður - blár og vínrauður		Firethorn mock skyrta hvítur - blár og navy og vínrauður	Oxford pólóbolir blár og fjólublár

6. ágúst
Stigamót X - Annel sigraði án forgjafar og Garðar með forgjöf

Annel Þorkelsson úr GSG sigraði án forgjafar á 10. stigamóti GG.  Hann lék völlinn á samtals 70 höggum eða 66 nettó.  Frábær hringur hjá honum.  Næstur honum kom Gunnlaugur Sævars klúbbmeistari á 74 höggum og í því þriðja Sigurður Hafsteinn Guðfinnsson, á 75 höggum.  Ef forgjöf er dregin frá þá var Annel í fyrsta sæti.  En þar sem ekki er hægt að vinna til verðlauna í báðum flokkum sigraði Garðar Páll á 67 höggum sem þýðir verulega lækkun hjá honum.  Góður árangur þar.  Í öðru sæti var Sigurður Hafsteinn á 69 höggum og í því þriðja Guðmundur Valur Sigurðsson á 70 höggum.  Hér má sjá úrslitin úr mótinu.