 |
|||||||||||||||||||||||
|
|
Fréttir
31. maí Mánudaginn 8. júní verður félagafundur vegna fyrirhugaðrar stækkunar Húsatóftavallar með Hannesi Þorsteinssyni golfvallahönnuði. Á fundinum verður farið yfir og kynntar tillögur Hannesar um brautarteikningar, gönguferð um svæðið og kosning í nefnd um stækkun vallarins. Á þessum fundi fá félagar tækifæri til að koma með fyrirspurnir, gera athugsemdir og tjá skoðanir sínar. Í lok fundarins verður eins og áður segir, kosin framkvæmdarnefnd um stækkun vallar, sem síðan mun alfarið sjá um stækkunina, samskipti við hönnuð og verklagsstjórnun. Félagar eru eindregið hvattir til að fjölmenna á fundinn og hafa áhrif á þetta mikilvæga mál. Fundurinn verður haldinn í golfskálanum að Húsatóftum og hefst kl. 20:00 mánudaginn 8. júní.
30. maí
Hér að neðan er krækja inná úrslitin
úr Texas scramble mótinu sem var haldið í blíðskaparveðri í dag...blés
reyndar aðeins en menn létu það ekkert á sig fá! Grindin ehf. styrkti
mótið og þökkum við þeim kærlega fyrir þeirra innlegg. Nándirnar féllu í skaut
eftirfarandi: Golfkveðja,
28.maí Það var einmuna blíða sem keppendur stigmótsins fengu að njóta að þessu sinni. Að þessu sinni skráðu 46 keppendur sig til leiks og gaman að sjá þennan mikla fjölda á vellinum í sól og mildu veðri. Þess er skemmst frá að segja að Þorlákur G. Halldórsson sigraði með forgjöf á 63 höggum nettó. Í öðru sæti varð Heiðar Már Hilmarsson á 64 höggum og í því þriðja varð Digmar Júlíus Eðavarðsson á 65 höggum. Hólmar Waage var á fæstum höggum án forgjafar, 74 höggum. Í öðru sæti án forgjafar varð Leifur Guðjónsson á 76 höggum og á sama höggafjölda varð Ingvar Guðjónsson í því þriðja. Hægt er að sjá nánar úrslitin hér á Golf.is. Næsta mót er laugardaginn 30. maí og er það með Texas Scramble fyrirkomulagi.
28.maí Golfklúbbi Grindavíkur bárust þær sorglegu fréttir að Sigurfinnur Jónsson, einn félagi okkar í Golfklúbbi Grindavíkur hafi látist í gær, miðvikudaginn 27. maí. Hann var liðtækur kylfingur sem var reglulega á vellinum að njóta þess að spila golfið, enda voru það ófáir félagarnir sem spiluðu með honum hringi á Húsatóftavelli. Um leið og stjórn Golfklúbbs Grindavíkur minnist Sigurfinns með hlýju og söknuði viljum við færa okkar dýpstu samúðarkveðjur til fjölskyldu, ættingja og vina á þessum miklu sorgartímum. Blessuð sé minning Sigurfinns.
28.
maí Dagskrá:
24.
maí Á morgun, mánudaginn 25. maí verður fyrsta stigamót sumarsins á unglingamótaröð klúbbsins. Frítt er í mótið fyrir unglinga í Grindavík. Við viljum því hvetja alla krakka og unglinga til að taka þátt í mótinu.
Reglur:
Spilaðar eru 13 holur (gæti aukist í 18 holur seinni parts sumar, nánar auglýst síðar ef af verður) Hægt er að spila hvenær sem dagsins á mótsdag, amk tveir kylfingar saman en hámark fjórir Spiluð er punktakeppni með forgjöf. Full forgjöf 36 er leyfð í mótinu, þ.e. allt að 2 högg í forgjöf á holu. Slegið er af rauðum teigum 5 bestu mót hvers keppenda gilda þ.e. ef þau taka þátt í fleirum en 5 mótum. Stigin verða sem hér segir: 1. sæti=10 stig 2. sæti= 7 stig 3. sæti= 5 stig 4. sæti= 3 stig 5. sæti= 1 stig Ekkert þáttökugjald er á stigamótum unglinga í sumar. Hægt er að lesa hér nánar um forgjafarröðun á 13 holum.
21.
maí Hér að neðan er krækja
þar sem er að finna úrslitin úr öðru stigamóti sumarsins.
Mótið var haldið í blíðskaparveðri.
Tryggingamiðstöðin styrkti mótið og kunnum við þeim bestu þakkir fyrir.
Þrjú efstu sætin með forgjöf.
16. maí
Hér að neðan er krækja þar sem
úrslitin úr Texas scramble mótinu er að finna. Mótið var haldið í
blíðskaparveðri í dag...blés reyndar aðeins en menn létu það ekkert á sig
fá! Veiðafæraþjónustan ehf. styrkti mótið og þökkum við þeim kærlega
fyrir þeirra innlegg.
Úrslit úr Texas scramble mótinu 16. maí 2009 Nándirnar féllu í skaut
eftirfarandi: Þeir sem unnu til verðlauna eiga
von á gjafabréfunum sínum í pósti næstu daga. Gott væri engu að síður að
þeir sem unnu til verðlauna sendi póst á
havardur@ok.is með upplýsingum um heimilsfang. Golfkveðja,
11.
maí Bikarkeppninni hefur verið frestað vegna veðurs. Við stefnum á að setja hana á seinnipartinn í maí. Kveðja,
11.maí Golfæfingarnar
hófust hjá okkur í síðustu viku og var mjög góð mæting hjá börnum og
unglingum. Æfingartaflan
lítur þá svona út í maí: Ef sami kraftur verður áfram í mætingu hjá stúlkunum þá stefnum við á að hafa þær á sér æfingum í sumar. Munið að ekkert kostar á golfæfingarnar í sumar hjá golfklúbbnum svo endilega mæta og prófa fjörið út á golfvelli! Frekari
upplýsingar veitir
8.maí Sigurpáll Geir Sveinsson
golfkennari býður félagsmönnum og öðrum Grindvíkingum upp á tíma í
golfkennslu á þriðjudögum frá kl. 17-18.
8.maí Eins og áður hefur verið sagt frá, þá hafa barna- og unglingaæfingar hafist að nýju á Húsatóftavelli undir handleiðslu Sigurpáls Geirs Sveinssonar. Viðtökurnar hafa farið fram úr björtustu vonum, því á fyrsta degi voru samtals 55 krakkar sem sóttu kennsluna, en ekki 43 eins og áður var sagt frá. Í gær voru aðeins færri þar sem golfkennslan stangaðist á við körfuboltaæfingar stúlkna. Samt var mikið fjölmenni. Gaman er að segja frá því að fyrsta daginn voru um og yfir 20 stúlkur sem mættu í kennsluna og það eitt og sér gefur góð fyrirheit um að hægt sé að efla til muna kvennagolf hér í Grindavík og treysta það í sessi innan klúbbsins. Að sögn Guðmundar Bragasonar formanns unglinganefndar er hann nú að loknum tveimur dögum í kennslu, kominn hafa um 70 börn og unglingar verið skráðir. Frábær árangur og mikilvægt að halda vel utanum þessa einstaklinga og með það að markmiði ætti framtíðin að vera björt.
6.maí Stjórnarfundur
Golfklúbbs Grindavíkur verður fimmtudaginn 7. maí nk. kl. 20:00 að
í golfskálanum á efri hæð. Dagskrá fundarins er svohljóðandi:
Smellið hér.
6.
maí Það var fjöldi hressra krakka sem mætti í fyrstu kennslustund hjá Sigurpáli Geir Sveinssyni á Húsatóftavelli. Samtals mættu um 43 krakkar í kennsluna. Krökkunum var skipt í tvo hópa, yngri hópur var frá kl. 15-16 og sá eldri frá kl. 16-17. Farið var í undirstöður sveiflunnar, púttað og margt fleira. Það mátti sjá mikla eftirvæntingu skína úr andlitum krakkanna þegar þau mættu í kennsluna, því eins og kylfingar eflaust vita þá er kennarinn vægast sagt þekkt nafn í golfheiminum. Sigurpáll Geir hefur 3 sinnum orðið Íslandsmeistari í höggleik. Hann reyndi m.a. fyrir sér í atvinnumennskunni um hríð. Það eitt og sér ætti að verða krökkunum mikil hvatning og efla yngri barna starfið hjá golfklúbbnum. Myndir frá kennslunni birtast síðar.
4.
maí Golfæfingar – golfskóli Ágætu grunnskóla nemendur og foreldrar, Nú er barna og unglingastarfið að hefjast hjá okkur í Golfklúbb
Grindavíkur. Í byrjun er miðað við árgang 2001 og eldri, en verið er að athuga með
æfingar fyrir yngri krakka þegar skóla lýkur í júní. Vikuna 15-19. júní verður haldinn golfskóli sem Sigurpáll Geir mun einnig hafa umsjón með. Það er ætlað fyrir börn fædd 1996 og yngri. Nánar um það síðar. Markmið með þessum æfingum og væntanlegu golfnámskeiði er:
Æfingar verða sem hér segir í maí:
Æfingarnar verða á æfingarsvæði Golfklúbbs Grindavíkur að Húsatóftum og eru fyrir byrjendur jafnt sem lengra komna. Ath. að ekkert kostar á þessar æfingar og því um að gera að prófa. Kylfur og boltar verða á staðnum en þeir sem eiga kylfur endilega mæti með þær. Munið að koma klædd eftir veðri og mæta tímanlega á æfingar. Frekari upplýsingar veita:
1.
maí Við viljum vekja athygli á því að símasambandslaust er þessar stundirnar við golfskálann. Ástæðan er vegna endburbóta í skálanum og uppfærslu símkerfis. Reiknað er með að símasamband verði komið í lag um helgina. VIð viljum ítreka að skálinn er opinn um helgar frá kl. 11:00 - 18:00 og virka daga frá kl. 12:00 - 21:00
1.
maí Við viljum vekja athygli á því að símasambandslaust er þessar stundirnar við golfskálann. Ástæðan er vegna endburbóta í skálanum og uppfærslu símkerfis. Reiknað er með að símasamband verði komið í lag um helgina. VIð viljum ítreka að skálinn er opinn um helgar frá kl. 11:00 - 18:00 og virka daga frá kl. 12:00 - 21:00 |
|
|||||||||||||||||||||
|
Golfklúbbur Grindavíkur 2009 vefumsjón: paller@grindavik.is |
|||||||||||||||||||||||
