28. júní
Greiðsla flatargjalda - óheiðarleiki

Undanfarin ár hefur borið á því að einstaklingar, sem ekki eru klúbbfélagar, hafa verið að læða sér á völlinn án þess að greiða vallargjald.  Það er með öllu ólíðandi að menn skuli vera svo óprúttnir að leika völlinn án greiðslu.  Nú hefur stjórn Golfklúbbs Grindavíkur ákveðið að taka hart á þessum málum og þeir sem verða uppvísir að slíku fá sendan gíróseðil heim til greiðslu á vallargjaldinu. Öll starfsemi Golklúbbs Grindavíkur byggist á ársgjöldum félaga og flatargjöldum gesta hans og er það engan veginn ásættanlegt að óheiðarlegir einstaklingar komi sér hjá því að greiða umrædd flatargjöld.  Einnig hefur stjórnin ákveðið að herða eftirlit á kvöldin eftir hefðbundinn opnunartíma skála þar sem umræddir einstaklingar gera það að leik sínum að spila völlinn þegar starfsmenn eru farnir heim.  Við viljum einnig benda klúbbfélögum á að fylgjast með þessu athæfi manna og tilkynna það í skála.

Björk Bergsdóttir hefur verið ráðin í hlutastarf sem framkvæmdastjóri GG.  Hennar starfssvið verður yfirumsjón með skála, styrktarmál, kynningarmál og auglýsingar, hópabókanir og önnur umsýsla tengd golfklúbbnum.  Með þessu opnar skálinn fyrr á morgnana virka daga, þ.e. kl. 10.  Björk er félögum vel kunnug þar sem hún hefur verið félagi í klúbbnum í mörg ár.  Björk hefur nýlega lokið prófi í viðskiptafræði og bæði nám hennar og starfsreynsla mun án efa nýtast Golfklúbbi Grindavíkur við markaðssetningu á honum.
Stjórn GG væntir mikils af starfi Bjarkar og viljum við bjóða hana velkomna til starfa.

Bikarkeppni GG var þriðjudag og miðvikudag 14.-15. júní.  Þáttakendur voru 39 og er það fjölmennasta bikarkeppni GG í um árabil.  Þeir sem lentu í sæti 26-39 taka þátt í forkeppni um sæti í 32 manna úrslitum.  Í dag var dregið um hverjir lenda saman í forkeppninni og listinn er á tilkynningartöflu í skálanum.  Þessum leikjum skal lokið í síðasta lagi þriðjudaginn 21. júní.  Dregið verður um úrslit þeirra sem ekki ljúka leik á fyrir þann tíma.  Hér eftir er leikin holukeppni með 3/4 forgjöf. 

Húsatóftavöllur fær góða kynningu og umfjöllun í Fréttabæaðinu í dag, 9. júní.  Þar er farið yfir  stækkunarframkvæmdir sem GG stendur í ásamt framtíðarplönum ásamt ýmislegu er varðar klúbbinn og söguna okkar.  Sjá Fréttablaðið í dag með að smella hér

Það var ágætis veður, dálítill vindur, sem heilsaði kylfingum á stigamóti 5 - Metal, enda ber skor þátttakenda þess vitni.  Af 40 keppendum voru 24 á „gráa svæðinu“ eða betra skori, sem er nokkuð góður árangur. Bestur meðal jafningja var Ellert Sig. Magnússon á 41 punkti. Í öðru sæti, einnig á 41 punkti, varð Daníel Eyjólfsson og í því þriðja varð Páll Axel Vilbergsson á 40 punktum. Besta skor án forgjafar átti Davíð Arthúr en hann lék völlinn á einu undir pari vallarins. Næstur holu varð Þorlákur Halldórsson með 1,89m.  Nánari úrslit má sjá á golf.is.

Það var ágætis fjöldi sem tók þátt í Sjóaranum Síkáta open sem Þorbjörninn ehf styrkti. Sjötíu og sjö keppendur voru skráðir til leiks en 74 luku keppni. Í fyrsta sæti með forgjöf varð Halldór Ingi Lúðvíksson á 39 punktum líkt og Bergvin Friðberg Ólafarson en með fleiri punkta á síðari 9 holunum.  Lúðvík hlýtur að launum einstaklings árskort í Bláa Lónið ásamt 10 kg af fiskafurðum frá Þorbirninum.  Bergvin hlýtur að launum Cleveland hybrid kylfu og 5 kg af fiskafurðum frá Þorbirninum.  Í þriðja sæti á 38 punktum varð Hjalti Sigvaldason Mogensen og hlýtur hann að launum gjafabréf frá Golfbúð Hafnarfjarðar að verðmæti 15.000 kr og 5 kg af fiskafurðum frá Þorbirninum.  Í fjórða sæti varð Jósef Kristinn Ólafsson á 37 punktum líkt og 5 aðrir keppendur, en Jósef lék síðari 9 holurnar á flestum punktum.  Hann hlýtur tvö pör af Callaway Warbird golfhönskum, Nike regnhlíf og 5 kg af fiskafurðum frá Þorbirninum.
Sigurvegari án forgjafar varð Björgvin Sigmundsson GS á 72 höggum.  Hann hlýtur því að launum einstaklings árskort í Bláa Lónið ásamt 10 kg af fiskafurðum frá Þorbirninum,
Nándarverðlaun á 4./17. holu hlaut Takahashi með 4,53m og hlýtur hann að launum 9.000 kr gjafabréf í Golfbúð Hafnarfjarðar.
Nándarverðlaun á 8. holu hlaut Jón Erlendsson með 6,17m og hlýtur hann að launum Sundog golfgleraugu og vörur frá Bláa Lóninu.
Nándarverðlaun á 13. holu hlaut Jósef K. Ólafsson með 2,16m og hlýtur hann að launum 10.000 króna gjafabréf á Veitingastaðinn Salthúsið í Grindavík. 
Golfklúbbur Grindavíkur vill þakka aðalstyrktaraðila sínum, Þorbirninum fyrir dyggan stuðning í mótinu.  Þess má  geta að Þorbjörninn ehf. hefur verið einn aðalstyrktaraðili golfklúbbsins frá upphafi. Hægt er að vitja vinninga í golfskálanum á opnunartíma.

Nánari úrslit má sjá á golf.is.

Það var ágætis veður sem heilsaði kylfingum á stigamóti 4 - Íslyft, enda ber skor þátttakenda þess vitni.  Af 40 keppendum voru 28 á „gráa svæðinu“ eða betra skori, sem er nokkuð góður árangur. Bestur meðal jafningja var Steinþór Júlíusson á 41 punkti. Í öðru sæti varð Sigurður Helgi Hallfreðsson á 40 punktum og í því þriðja varð Páll Axel Vilbergsson á 39 punktum, líkt og Ásgeir Ásgeirsson en Páll lék síðari 9 á 20 punktum á móti 19 hans Ásgeirs.  Besta skor án forgjafar átti Davíð Arthúr en hann lék völlinn á parinu.  Nánari úrslit má sjá á golf.is.

1. júní
Opið fyrir skráningu á Sjóarann síkáta open - Þorbjörninn ehf.

Nú hefur verið opnað fyrir skráningu í Sjóarann Síkáta- Þorbjörninn ehf, hið vinsæla golfmót Grindvíkinga sem hefur verið haldið um sjómannahelgina.  Mótið er með punktafyrirkomulagi.
Eins og undanfarin ár verða frosnar fiskafurðir ásamt öðrum veglegum vinningum.  Nú er um að gera að missa ekki af þessu einstaka tækifæri og samtvinna golfmót við Sjóarann Síkáta, skemmtun okkar landsmanna, því Grindvíkingar eru sannarlega höfðingjar heim að sækja.  Sjóarinn Síkáti hefur  verið að festa sig í sessi sem ein af stóru hátíðum okkar landsmanna. 
Það er um að gera að reima á sig golfskóna, leika í stórskemmtilegu golfmóti og að því loknu skella sér á bæjarhátíðina og njóta glæsilegrar dagskrár þessa helgi.