Meistaramóti Golfklúbbs Grindavíkur lauk laugardaginn 10. júlí í kaflaskiptu veðri. Davíð Arthur Friðriksson og Fanný Þóra Erlingsdóttir tryggðu sér meistaratitilinn með glæsibrag en þau voru langefst.
Alls tóku 66 kyflingar þátt í meistaramótinu að þessu sinni sem er líklega met. Það má segja að kylfingar hafi fengið allar tegundir veðurfars þessa daga, allt frá hávaðaroki til logns og úrhellisrigningar.
Í karlaflokki hafði Davíð forystu frá fyrsta degi. Hann lék lokahringinn á 68 höggum og hringina fjóra samanlagt á 296 höggum. Meistarinn frá því í fyrra, Hávarður Gunnarsson, varð að sætta sig við sjötta sætið að þessu sinni. Lokastaðan í meistaraflokki karla: 1. Davíð Arthur Friðriksson 296 högg 2. Jóhann Freyr Einarsson 317 3. Ingvar Guðjónsson 319
Í 1. flokki karla bar Þorlákur Halldórsson sigur úr bítum, Birgir Hermannsson vann 2. flokkinn, Magnús Stefánsson 3. flokkinn og Hjálmar Haraldsson 4. flokkinn.
Í kvennaflokki hafði Fanny einnig forystu frá fyrsta degi. Hún var 25 höggum á undan næstu konu. Lokastaðan í meistarflokki kvenna: 1. Fanný Þóra Erlingsdóttir 287 högg (3 hringir) 2. Kristín Mogensen 302 3. Hildur Guðmundsdóttir 303 Í unglingaflokki voru þrír keppendur en þar hafði Lárus Guðmundsson mikla yfirburði, annar varð Sigurður Helgi Hallfreðsson og þriðji varð Aron Snær Friðriksson.
Í öldungaflokki, 55+, varð Bjarni Andrésson nokkuð öruggur sigurvegari. Hægt er að sjá nánari úrslit á golf.is undir