Undanfarna mánuði hafa staðið yfir framkvæmdir við stækkun vallarins í 18 holur. Framkvæmdir hafa gengið vel það sem af er og nú er svo komið að sáð hefur verið allar nýju flatirnar. Einungis er eftir að grjóthreinsa par 4 brautina (sem verður 8. braut á nýju skipulagi) og síðan sá í hana. Hér eru myndir frá framkvæmdunum ásamt myndum af öðrum holum vallarins sem taka sig vel út í glæsilegu landslanginu.
Til stendur að grjóthreinsa áðurnefnda braut í vikunni og sjálfboðaliðar eru beðnir um að vera í startholunum á næstu dögum í aðstoð við verkið. Verkið mun taka dagstund eða svo og er mikilvægt að ljúka því sem fyrst til að spretta náist fyrir haustið til að loka brautinni áður en vetur skellur á. Nánari tilkynning um grjóthreinsun verður sett á vefinn á næstunni. Félagar! Fylgist með og takið þátt í starfinu. Margar hendur vinna létt verk.